Нема американска помош за БиХ доколку властите не го решат прашањето околу трговијата со луѓе

Босанско знаме / Фото: Профимедиа

Укинувањето на помошта за БиХ, што би се случило првпат во повоениот период, многу би влијаело на вкупната американска поддршка за таа држава во рамки на евроатлантските интеграции.

По предупредувањето на заменик директорката на УСАИД, Бони Глик дека САД ќе мораат да ја укинат цела помош за БиХ, доколку власта не е способна да го реши прашањето околу трговијата со луѓе, босанската јавна обвинителка Гордана Тадиќ денеска свика итен состанок со Групата за борба против трговија со луѓе и илегалните миграции.

Групата ја сочинуваат официјални претставници на сите безбедносни служби и агенции за спроведување на законите во БиХ.

Укинувањето на помошта за БиХ, што би се случило првпат во повоениот период, многу би влијаело на вкупната американска поддршка за таа држава во рамки на евроатлантските интеграции.

Исто така, сараевскиот портал Кликс пишува дека ќе се почувствуваат последици и кога станува збор за соработката меѓу БиХ и САД во борбата против тероризмот и безбедноста.

Според сознанијата на порталот, годинешниот буџет на САД за БиХ изнесува 41,5 милиони долари, а тој во најголем дел се имплементира преку УСАИД. Токму тие средства би можеле да бидат укинати. Вкупната помош на САД преку УСАИД во повоениот период па досега изнесува 1,8 милијарди долари.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот