Нелоски обвинува за манипулации во Фондот за иновации

Фондот за иновации продолжува да иновира нови начини за испумпување на пари од државниот буџет за сметка на фирми блиски до власта. Фирмата „Бригада Дизајн” ДООЕЛ од Скопје во сопственост на советникот во Град Скопје од СДСМ Бојан Ивановиќ и бизнис партнер на Јани Макрадули доби бизнис од 11.800.000 денари од Фондот за иновации, објави денеска Владимир Нелоски, претседател на Градскиот комитет  на ВМРО-ДПМНЕ.

Нелоски смета дека Заев преку Деспотовски дава 11.800.000 денари за агенцијата која ќе треба да организира настани, односно да обезбедува озвучување, папки, пенкала и други пропратни работи за организација на настан.

Ова е бизнис од 11.800.000 денари, односно околу 200.000 евра кој власта на Заев преку Јован Деспотовски му ги додели на Бојан Ивановиќ, бизнис партнерот на Јани Макрадули во фирмата „Смарт Агенда” и советник во Град Скопје од страна на СДСМ. Власта се расфрла додека народот нема за леб, констатира Нелоски.

Прочитајте и...  ВИДЕО: Интервју на Тито Петковски за бугарската „ТВ Европа“

Тој презентираше документите од договорот помеѓу фирмата на Ивановиќ и Фондот за иновации каде директор е Јован Деспотовски од СДСМ.

-Од истите се гледа дека договорот е склучен на 21.09.2020 година, со рамковна спогодба, без претходно распишан јавен оглас за набавка на бараната услуга. Кои се критериумите по кои била избрана фирмата на Ивановиќ?! Дали неговото партнерство во друг бизнис со Јани Макрадули е фактор за избор на фирмата за оваа голема зделка?! Или пак фактот што истиот е советник во Град Скопје и близок до Петре Шилегов?! Фондот за иновации и Јован Деспотовски мора да одговорат како и зошто е избрана и фаворизирана фирмата на Ивановиќ?! Како токму бизнис партнерот на Јани Макрадули и советник на СДСМ во Градот Скопје е лицето со чија фирма Фондот за иновации склучил договор за организирање на настани од 11.800.000 денари во четири очи?!, прашува Нелоски и одговара: 

Прочитајте и...  Борел со охрабрување до Заев: Продолжете со исполнување на ЕУ реформите

-Да, 11.800.000 денари за настани, и тоа во моментот кога во државата има 40.000 деца кои не можат да ја следат наставата затоа што немаат компјутер или пак таблет. Кога имаме над 100.000 луѓе кои живеат со 50 денари на ден. Кога 40.000 луѓе се без работа поради коронавирусот. Кога пензионери од руралните делови на државата не можат да ја добијат нивната пензија во домот затоа што Заев пропадна банка.Ова е расипништвото на власта на дело. Од џебот на граѓаните, на сметка на фирмите и функционерите на власта и нивните пријатели, заклучува Нелоски.

 

Поврзани вести

Таравари: Во Гостивар ќе имаме пет мерни станици за квалитетот на воздухот

Слободен печат

Заев: Се подготвуваат пакети за поддршка на музичарите

Слободен печат

Филипче: Секаде во светот бројот на новозаразни и хоспитализирани се зголемува

Слободен печат

Лебеди го разубавија Дебарско Езеро

Слободен печат

Филипче: За продолжениот викенд без групирање, забавите, собиранките оставете ги за некое друго време

Маријана Митровска

ВИДЕО: Да не подгреваме непријатности во јавноста, вели Заев

Слободен печат

Остави Коментар