Неколку скопски општини утре без струја
Заради технички зафати во дистрибутивната електро мрежа утре без електрична енергија ќе останат дел од корисниците од општините Кисела Вода, Ѓорче Петров и Карпош, соопштуваат од РЦУК – Скопје.
Во периодот од 09:00 до 13:00 часот без напојување со електична енергија ќе останат корисниците од улицата „Томе Арсовски”, Општина Кисела Вода.
Во периодот од 09:10 до 14:00 часот без струја ќе бидат корисниците од село Кучково, село Волково лоцирани кај обиколницата, Општина Ѓорче Петров.
Во периодот од 11:00 до 13:00 часот без напојување со електична енергија ќе останат корисниците од објектот на градинката на бул. „Илинден” лоцирана позади тенискиот клуб АБЦ, како и објектот на „Флораком”, Општина Карпош.
Без вода денеска од 9:40 часот ќе бидат корисниците на улиците „Самоилова”, „Јоаким Крчовски”, „Банатска” и улицата 380 во Општина Центар.
Како што соопштија од ЈП „Водовод и канализација” – Скопје, причината за прекинот на водоснабдувањето е уличен дефект ф300мм на булеварот „Македонско Косовска бригада” 81, кај бензиска Арена Петрол.
Водоснабдувањето ќе биде прекинато до завршување на дефектот.
Извор: МИА