Неколку грчки медиуми ги вратија финансиските средства добиени од Владата за кампањата „Остануваме дома”

Архива на СП

Конкретната листа предизвика реакции во Грција и наиде на критики за начинот на кој биле распределени парите. 

Медиумската групацијата „Алтер его” на грчкиот бизнисмен Вангелис Маринакис, како и неколку регионални информативни портали, соопштија дека ги враќаат финансиските средства добиени од грчката Влада за кампањата „Остануваме дома”, односно за кампањата за информирање на граѓаните за превенција од новиот коронавирусот на почетокот на пандемијата и во периодот додека земјата беше во карантин, јави дописничката на МИА од Атина.

Од „Алтер его” во чија сопственост се, меѓу другото и весниците „Та неа” и „То вима” и телевизијата „Мега”, изјавија дека сакаат да ја изразат нивната независност, не се согласуваат со методот на распределување на финансиските средства, додавајчи дека вчера ги вратиле парите и побараа од Владата, вратените средства да ги достави до семејствата на невработените медиумски работници.

Портпаролот на грчката Влада, Стелиос Пецас на денешниот редовен брифинг со новинарите рече дека доколку медиумите ги вратат парите, ќе одат во државниот буџет.

Телевизии, радија и сајтови, вкупно 1.232 грчки медиуми добија финансиски средства од Владата во висина од 20 милиони евра за кампањата „Остануваме дома” согласно листата што во понеделникот ја објави портпаролот на грчката Влада.

Конкретната листа предизвика реакции во Грција и наиде на критики за начинот на кој биле распределени парите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот