Компјутер бил украден од полициски терминал на граничниот премин „Блаце“. Од МВР за „Алсат“ ја потврдија кражбата, која се случила во просториите на терминалот за патници кои патуваат со воз.

Нема опасност од следење на информациите или кражба на податоци, бидејќи компјутерот подолго време не бил во функција и не бил поврзан во софтверската мрежа, велат за телевизијата од Министерството за внатрешни работи.

„Известен е Секторот за внатрешна контрола, криминалистичка истрага и професионални стандарди, кое ги презеде соодветните мерки. Доколку се утврдат пропусти во постапувањето на кој било полициски службеник, ќе се преземат мерки согласно Колективниот договор на МВР и за тоа ќе биде известено надлежното јавно обвинителство“, велат од МВР.