Некои лиги не ја спроведуваат правилно ВАР технологијата
Претседателот на ФИФА, Џани Инфантино, истакна дека ВАР технологијата не се костисти правилно во сите земји.
Според Инфантино, идејата е по примената на ВАР технологијата во спорните моменти на натпреварите, одлуката да ја донесе судијата на теренот, но тоа правило или препорака не се почитува во сите земји.
– Најважно е ВАР да служи како поддршка на судиите, а не некој друг да донесува одлуки наместо судијата на теренот. Тоа се принципите на ВАР во голем број земји, но не во сите – потенцира Инфантино.
Оваа изјава на првиот човек на ФИФА доаѓа по големите замерки на примената на ВАР во Премиер лигата, каде имаше доста контроверзни одлуки, а тие не беа донесени од судијата на теренот, туку од ВАР собата.
– Не гледам причина зашто ВАР технологијата да не биде успешна во Англија, доколку со успех се применува во други лиги. Мислам дека е нормално за иновација која фудбалот ја чекаше 150 години да има грешки на почетокот. Не можеме да замижуваме пред проблемите и да велиме дека се е совршено.