Некогаш ги нарекувале „дупка во ѕидот“: Приходот од продажбата на банкомати надминува 13 милијарди долари
Денеска речиси и да не можеме да го замислиме животот без банкомат. Тие се наоѓаат на речиси секој агол, а ширум светот постојат дури три различни форми на овие машини.
Но, пред отприлика 50 години ваквиот систем не постоеше, а луѓето по своите пари одеа во банките.
Така било се до 1967. година кога британскиот иноватор Џон Шеперд-Барон го креирал првиот банкомат. Неговиот изум наречен „дупка во ѕидот“ премногу се разликуваше од денешните верзии на банкоматите. Имено, корисникот за да ги добие парите морал прво во банка да земе ваучер кој потоа ќе го стави во апарат, а потоа да го внесе кодот од шест карактери. Веднаш потоа машината ќе извади максимално 10 фунти по едно користење.
До пристигнувањето на верзиите на банкомати, какви што имаме денеска, не помина многу време. Имено, само неколку години подоцна шкотскиот иноватор Џејмс Гудефелоу креираше банкомат со картички со код од четири карактери.
Инаку, на глобално ниво годишниот приход од продажба на овие машини надминува 13 милијарди долари.