Нејмар: Не сум суперхерој и совршен идол
Бразилскиот репрезентативец Нејмар е еден од најдобрите фудбалери на денешницата и поради тоа секој негов чекор е под лупа на јавноста.
– Јас не сум суперхерој и не сум совршен идол. Имам и лоши моменти во животот кога само сакам да одам дома и да се сокријам од сите, тогаш сакам да бидам со најблиските, семејството и пријателите. Јас не сум суперхерој кој може да го издржи притисокот на целиот фудбалски свет но се обидувам да бидам пример не само за моето семејство и синот, туку и за сите деца – изјави Нејмар.
https://twitter.com/FCLNJROFICIAL/status/1150438973610893313
Притисоците во последно време, Нејмар ги чувствува и на приватен и на професионален план. Неодамна бразилска манекенка го обвини дека ја силивал но случајот сè уште не е расветлен до крај. На професионален план, тој сака да го напушти ПСЖ и да се врати во Барселона но проблемот е во големото обесштетување кое го бара францускиот шампион.
– Знам дека имам голема одговорност и се обидувам да постапувам на најдобриот начин.Најважно од се е да бидете искрени – потенцира Нејмар.