Нејмар и Барселона, Бразилецот донесе конечна одлука
Сега веќе поранешниот претседател Хосеп Марија Бартомеу никогаш не се обиде да го ангажира Нејмар туку само во јавноста создаваше слика дека работи на трансферот, а како што стојат работите ниту новата управа нема да работи на овој трансфер.
Бразилецот Нејмар конечно пресече и одлучи да не се враќа на „Камп Ноу“ и повторно да го носи дресот на Барселона. Имено, актуелниот договор на Нејмар истекува во 2022 година и веќе и соопштил на управата на ПСЖ дека сака да го продолжи со што пропаднаа сите надежи за враќање во Барселона.
Иако во текот на летото беше подготвен да му се преполови платата само за да се врати на „Камп Ноу“ од каде си замина во 2017 година, сега веќе нема намера да се откажува од парите, а и самиот е свесен дека Барселона нема финансии за да го реализира трансферот.
ПСЖ веќе му нуди да потпише нов петгодишен договор со кој ќе заработува 40 милиони евра по сезона со што ќе се стави крај на шпекулациите за неговата иднина во францускиот шампион.