Негативни на ковид-19 се пратениците и вработените во Собранието кои имале контакт со Муцунски

Фото: Слободен печат/Драган Митрески

Петмина собраниски службеници и неколкумина пратеници се негативни на ковид-19 поради контакт со пратеникот и претседател на Комисијата за финансирање и буџет Тимчо Муцунски од ВМРО-ДПМНЕ, кој вчера објави дека е позитивен на вирусот.

Поради состојбата на Муцунски и тестирањето на тие што биле со него во контакт во Собранието, беше одложен почетокот на продолжението на амандманската расправа за Буџетот за 2021, но по добивањето на резултатите се очекува таа попладнево да продолжи.

Пратеникот Тимчо Муцунски објави дека е позитивен на ковид-19

Поради отсуството на Муцунски, седницата ќе ја води потпретседателката на Комисијата, пратеничката Марија Петрушевска од ВМРО-ДПМНЕ.

Пратеникот и меѓународен секретар на ВМРО-ДПМНЕ, Тимчо Муцунски вчера попладне објави дека е позитивен на коронавирус.

– Пред малку добив резултат дека сум позитивен на ковид-19. Чувајте се и чувајте ги вашите семејства. Вирусот воопшто не е наивен, напиша Муцунски на неговиот Фејсбук профил.

Одложена амандманската расправа за Буџетот, вработени и дел од пратениците се тестираат за ковид-19

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот