Павел Недвед тврди дека Андреа Пирло и Кристијано Роналдо ќе останат во Јувентус и инсистира на тоа дека Старата дама „ќе се бори до крај“.

Потпретседателот на Јувентус ја потврди својата доверба во тренерот и покрај убедливиот пораз од Милан во Серија А на домашен терен (0:3).

– Има некои тешкотии, но ние ќе се бориме до крај – рече Недвед.

„Бјанконерите“ се на петтото место на табелата во Серија А и доколку останат на таа позиција, следната сезона нема да бидат дел од Лигата на шампионите.

А тоа воедно значи дека иднината на португалската ѕвезда Кристијано Роналдо во клубот исто така ќе биде доведена во прашање.

Но, поранешното чешко крило негираше дека поранешниот играч на Реал Мадрид и Манчестер јунајтед ќе се раздели со „Старата дама“.

-Пирло и Роналдо ќе останат во Јувентус – додаде Недвед.

Гравина се заканува дека ќе го исклучи Јувентус од Серија А!