1.1 C
Скопје

Недозволиво: Аптекарите не го даваат „ивермектинот“ на тој што прв ќе дојде, туку на тој што ,,го резервирал”

Аптекарите не ги услужуваат пациентите кои ќе влезат да побараат „ивермектин“ по принципот ,,прв дојден прв услужен”, туку прават ,,резервации”. Читателка на „Слободен печат” е револтирана што и била одбиена услугата во аптека во скопската населба Карпош, иако внатре влегла да го побара лекот со веќе претходно издадена рецепта од матичен лекар и со индикација како што препорачува Министерството за здравство.

– Вчера бев кај матичната лекарка да земам рецепт за „ивермектинот“ бидејќи во семејството имаме хронично болен и сакавме да го имаме лекот за не дај Боже. Отидов во аптека со рецептот и аптекарката најнапред ми кажа дека го имаат лекот на залиха. Кога се обиде да најде кутија на полицата, колешката и кажа дека две кутии се резервирани и дека за мене нема. Ме препратија да дојдам друг ден кога ќе го добијат пак, а во меѓувреме и за мене направија ,,резервација”, ни рече Maja Т. од Скопје.

Прочитајте и...  Силјановска Давкова: Ќе собираме 10.000 потписи на граѓани за поништување на Законот за попис

Од Агенцијата за лекови и медицински средства МАЛМЕД, за ,,Слободен печат” тврдат дека не е дозволливо да се прават резервации, туку оној пациент кој што прв ќе го побара лекот, доколку тој е на лагер, треба и да го добие!

– Направивме надчовечки напори да го добиеме „ивермектинот“. Не е дозволиво да се прават резервации, треба оној пациент што прв дошол да го побара, прв и да го добие. Го има во аптеките и ќе го има се повеќе, зависно од тоа дали веледрогериите ќе ја користат целосно дозволата која им е издадена за три месеци. Станува збор за лек кој првпат го имаме во земјава, донесен е со интервентен увоз и потребно е неколку дена трпение за да може да се стабилизира работата, изјави за „Слободен печат“ директорот на МАЛМЕД, Лирим Шабани.

Прочитајте и...  Владата ја усвои Програмата за економски реформи 2021-2023 - стратешки документ за реформи координиран од Министерството за финансии

Станува збор за антипаразитен лек со широк спектар на делување, висока ефикасност и висока безбедност.

Лекот Ерметин, во таблети од 3 милиграми и десет во пакување од турскиот производител СанВеТик се продава по цена од 300 денари. По лекарска препорака тој може да се земе и како превенција, а дозите ги одредува лекарот во зависност од телесната тежина на пациентот.

Поврзани вести

Задолжување за поддршка на економијата: Грција планира до две милијарди евра преку издавање на нова десетгодишна обврзница

Слободен печат

Усвоена резолуција за импичмент во Сенатот: Процесот против Трамп ќе продолжи на 9 февруари

Слободен печат

Мина „мазно“ во Сенатот: Ентони Блинкен е нов шеф на американската дипломатија

Слободен печат

СДСМ: Зад бојкотот и саботажата на пописот стои Груевски, Мицкоски е само извршител

Слободен печат

Црна Гора ќе повлече седум амбасадори: Меѓу отповиканите и Тарзан Милошевиќ од Србија

Слободен печат

Двојно повеќе жртви од Втората светска војна: Над 100.000 смртни случаи во Велика Британија од ковид-19

Слободен печат

Остави Коментар