Недановски: Ни недостасуваа неколку клучни играчи, но тоа не е оправдување
Вардар 1961 загуби убедливо од Војводина во Нови Сад (Србија) во последниот натпревар од групната фаза во СЕХА Газпром лигата.
Недостасуваа многу важни играчи на кај „црвено-црниот“ тим, кои поради репрезентативни обврски, а кои поради повреда.
После овој пораз играчите на тренерот Стевче Алушовски го избегнаа Веспрем, и во осминафиналето ќе ги одмерат силите со Металопластика.
Владо Недановски, помошник тренер на Вардар 1961:
– Денеска бевме надиграни од Војводина, тие беа подобар противник во текот на целиот тек на мечот. Ни недостасуваа неколку клучни играчи, но тоа не е оправдување. Едноставно, требаше да одиграм подобро подобро, особено во дефанзивниот дел на теренот.
Тимур Дибиров, ракометар на Вардар 1961:
– Честитки за Војводина. Секогаш се чувствувам убаво тука и денеска беше заслужена победа за домаќините. Има многу работи на кои треба да се фокусираме и да ги поправиме за да играме подобро на следниот натпревар.
Вардар 1961 убедливо загуби во Нови Сад и го избегна Веспрем