НЕ ЗАСПИВАЈТЕ ГЛАДНИ: Може да загрозите многу телесни функции поради тоа
Луѓето често ја прескокнуваат вечерата мислејќи дека на тој начин си помагаат во слабеењето и во подоброто спиење.
Но, колку е тоа навистина здраво? Според нутриционистите, тоа не е страшно ако се случува одвреме-навреме, но ако ви премине во навика, може да донесе сериозни нарушувања на телесните функции.
Заспивањето гладни влијае врз нивото на инсулин, холестерол и работата на штитната жлезда, кое пак води до хормонален дисбаланс. Нарушената хормонална слика предизвикува уште многу други проблеми, а ваквата состојба тешко се контролира без многу лекови и терапии.
Исто така, чувството на глад ве спречува добро и цврсто да спиете. Ако гладувате навечер, телото акумулира маснотии за да надомести за енергијата. Резултатот, освен здравствени проблеми, може да биде и лошо расположение и мрзеливост.
Затоа, каква и да е вечерата, подобро е да изедете мала количина, отколку да ја прескокнете целосно.