„НЕ ВИ Е БУДВА МОНТЕ КАРЛО“ – Но според ценовникот изгледа е! (ФОТО)
Туристичката сезона во регионалните летувалишта на плажите во Црна Гора, Хрватска, Грција и Бугарија на големо е во тек, но речиси нема да пројде ден, а некој од туристите да не се пожали на астрономските цени на храната, пијалоците, лежалките, па дури и за самото сместување.
Изгледа дека угостителите во Црна Гора оваа година се одлучија да ги ископираат цените за храна и пијалоци од рестораните и кафулињата во Хрватска, кои со години наназад ги оставаат без зборови дури и туристите со подлабок џеб.
Имено, на социјалните мрежи се појави ценовник од еден бар на плажа во Будва, во кој цените на пијалоците, дури и за елитните ресторани, се превисоки.
Доколку сепак седнете овде, подгответе се за една лимона да издвоите 8,6 евра, додека за цеден сок од ананас потребно е да издвоите дури 16,20 евра. Во случај да сте љубител на газирани сокови, за лименка Пепси ќе морате да издвоите „скромни“ 7, 60 евра, колку што чини и шишенце Кокта.