Не стивнува коронаворусот, висока бројка на починати во Србија
Во последните 24 часа во Србија се регистрирани 7.919 случаи на коронавирус од 22.069 тестирани, починале 52 лица, а 270 пациенти се приклучени на апарати за дишење.
Поради тешката состојба со пандемијата на коронавирус во Србија, најавени се нови мерки. Претходно државниот секретар на Министерството за здравство, Мирсад Џерлек, рече дека се очекува утре Владата да донесе нови мерки против коронавирусот и дека тие ќе стапат на сила в петок. Тој истакна дека ситуацијата од ден на ден се влошува и тоа е сигнал за реакција бидејќи е очигледно дека постојните мерки не ги дадоа посакуваните резултати.
„Фајзер“ и „Бионтек“ денеска ќе ја достават потребната документација за регистрација на вакцината во Србија до Агенцијата за лекови и медицински помагала.
Српскиот министер за образование, Бранко Ружиќ изјави дека 126 деца во предучилишни установи, 2.321 ученик во основни училишта и 2.151 средношколци се заразени со коронавирусот.
Епидемиологот Бранислав Тиодоровиќ изјави дека се потребни 10 до 15 дена постојана примена на пропишаните мерки за стабилизирање на епидемиолошката состојба.
Над 4.400 ученици и 126 деца во градинки се заразени со ковид-19 во Србија