На денешниот самит на Г-7 големо внимание привлече британскиот премиер Борис Џонсон кој ѝ рече на германската канцеларка Ангела Меркел да го исклучи телефонот.

Додека Џонсон го започнувал состанокот, Меркел изненадно го прекинала пробувајќи да му рече на американскиот претседател Џо Бајден и новиот италијански премиер Марио Драги дека сака да се се состане со нив во живо за време на самитот на Г-7 во јуни, пренесува Ројтерс.

– Нѐ слушате ли Ангела, ја прашал Џонсон и додаде: „Мислам дека треба да го исклучите микрофонот“.

Џонсон, кој е познат по гафовите, исто така тврдеше дека Бајден го „украл“ неговиот слоган “да излеземе подобри од пандемијата“, иако Џонсон призна дека и самиот најверојатно го земал од друг некој.

После речиси една година видео состаноци, ниту лидерите на Г-7 не успеаја да ги избегнат проблемите со микрофоните, оцени Ројтерс.

Извор: Блиц.рс