Секој леб не дебелее: Калориски водич на видови на леб и препораки за диета
Во основа, лебот не дебелее, напротив, богат e со растителни влакна, витамини од групата Б и минерали, и тој е суштински сојузник на ситоста и физичката подготвеност. Сè додека внимателно го изберате меѓу многуте сорти денес достапни во продажба.
Кога некој мисли на леб, веднаш го исклучува фактот дека токму лебот може да биде сојузник во диетите и во здравата исхрана. Во реалноста, ова не е секогаш точно. Лебот може да биде вклучен во нискокалорична диета, се разбира, ако го изберете вистинскиот леб. Ако целта е да изберете нискокалоричен леб, тогаш мора да ги избегнувате лебовите со бројни дополнителни состојки и полнења.
Не можеме да зборуваме едноставно за „леб“, туку за разни видови леб, бидејќи лебот денес е достапен во многу варијанти. За да ви помогнеме да дознаете малку повеќе за карактеристиките на лебот, составивме избор од различни категории на лебови и ги претставивме калориите за секој вид. Конечно, можете да откриете каков точно леб да одберете што е соодветен за вас, особено ако не сакате да конзумирате прекумерна доза на неприродни масти или адитиви.
Класични типови (во 100 грама)
Традиционален леб (бел): 264 калории
‘Ржан леб: 230 калории
Леб од цели зрна (интегрален леб): 235 калории
Селски леб: 245 калории
Црн леб: 259 калории
Леб од житарки: 250 калории
Чиабата: 272 калории
Леб со сусам: 255 калории
Леб од трици: 260 калории
Леб со афион: 265 калории
Леб од лен: 285 калории
Леб од/со сончоглед: 300 калории
Француски леб: 286 калории
Видови полнет леб
Леб со суво грозје: 288 калории
Леб со маслинки: 308 калории
Фокача: 349 калории
Леб со смокви: 350 калории
Крекери: 280 калории
Млечен леб: 366 калории
Двопек и тост
Интегрален двопек: 370 калории
Класичен тост: 415 калории
Класичен двопек: 388 калории
Шведски (сладок) леб: 400 калории
Багета (од бело брашно): 280 калории
За време на диета
Ако сакате да ослабнете добро е да преферирате леб од интегрално брашно, отколку класичен (бел) леб, зашто кога се рафинира лебот ги губи своите главни хранливи состојки, а тоа се витамините, растителните влакна и минералните соли.
Лебовите од интегрално брашно, особено ‘ржаниот леб, придонесуваат за подолга ситост од нутриционистичка гледна точка, па е најсоодветен за диетите.
При изборот на леб внимавајте на додатоците богати со липиди, во форма на сирење, сланина, ореви или други вкусни состојки – полнетиот леб има склоност да биде значително повисок во калориска вредност од традиционалниот леб.
Добро е да се знае дека тостираниот леб и двопекот, како и лебовите за сендвичи, често содржат масти што класичниот леб природно не ги содржи, како и многу адитиви и особено високо ниво на сол, што ги прави непогодни за диети.
Најдобар начин да бидете сигурни во калориите на лебот што го јадете е да го направите дома: со тоа, ќе ги знаете точно сите состојки што биле користени за подготовка и нема да има изненадувања во однос на додадени масти или адитиви.