Не се резервираат нови аранжмани од понудата која ја имаме, но не се откажуваат ниту веќе резервираните, велат во дел од туристичките агенции во земјава откако ајкула нападна и усмрти руски турист во Египет.

-Египет го работиме со години на назад и ова е инциднт кој се случи за жал со смртни последици. Имаме чартери за Хургада, и работиме неколку хотели. Дел од оние кои имаат уплатени аранжмани се јавија дека е можно да го откажат патувањето, но за сега никој не дошол во агенцијата- велат во една агенција во центарот на Скопје.

Имено, турист од Русија Владимир Попов (23) загинал во египетското одморалиште Хургада. Инцидентот се случил на јавна плажа, а ајкулата која го распарчила била фатена и убиена набргу потоа. Ден по нападот на тигарската ајкула, плажите во Хургада беа затворени за капачи, а откажани се и сите нуркачки тури.  Според информациите во тој дел каде што пливал рускиот турист  не било дозволено пливање.