„Не се дружиме многу“: Единственото место во Црна Гора каде нема коронавирус
Шавник е и понатаму единствената „корона фри“ општина во Црна Гора, бидејќи од 17 март, кога биле регистрирани првите случаи на Ковид-19 во земјата, никој од околу 2.000 жители не бил заразен со коронавирусот.
Жителите на Шавник велат дека тоа е бидејќи тие се здрав народ и ги почитуваат мерките.
– Нема многу народ, не се дружиме многу. Така што досега поминавме добро. Инаку никогаш не било запамтено да имаме некоја поголема епидемија. Ние сме здрави, здраво се храниме, имаме здрава природа, реки, се кај нас е убаво. Нема страв од вирусот, кај нас вирус нема сигурно, велат жителите.
#drustvo #CoronaInfoCG #Šavnik jedina korona free opština u Crnoj Gori: Mi smo zdravi, zdravo se hranimo https://t.co/eqqHuIg0f2
— Vijesti (@Vijestime) August 13, 2020
Поволната епидемиолошка ситуација посебно ја радува единствената лекарка во Шавник, Сања Бушај која се надева дека така ќе остане и до крајот на борбата со новиот вирус, пишуваат Вијести.
Таа вели дека жителите се здрави, но и дека ги почитуваат мерките.
Под мерки на самоизолација моментално во Шавник се пет лица кои дошле од Србија и сите се добро, без симптоми. Докторката Бушај вели дека и тие ги почитуваат мерките и редовно ја контактираат.
Локалната управа исто така е задоволна со досегашните резултати во борбата со коронавирусот.