Не сакаа да бидат принцези: Ова се седумте жени кои го откачија принцот Хари (ФОТО)
Принцот Хари долго време не можеше да ја пронајде својата вистинска љубов. Му беа потребни неколку неуспеси за да ја пронајде жената од своите соништа. Ова се жените со кои Хари беше во врска пред да се ожени со Меган Маркл.
Флоренс Брундел-Брус
Принцот Хари со манекенката Флоренс Брундел-Брус биле заедно само шест недели. Својата кратка врска главно ја држеле во тајност. Врската пукнала бидејќи наводно на Флоренс ѝ пречело тоа што принцот постојано флертувал со други жени.
Натали Пинкам
Спортската водителка Натали Пинкам го сретнала принцот во лондонскиот клуб „Бунга бунга“. Хари ѝ фрлил око на убавата бринета, но за жал таа имала други планови. Неколкупати се среќавале во различни клубови и заедно се забавувале во пријатна атмосфера, но ништо повеќе од тоа.
Моли Кинг
Британската пејачка Моли Кинг имала кратка врска со принцот Хари. Двајцата често посетувале разни лондонски ноќни клубови. Моли пречесто зборувала за статусот на нивната врска, барем така мислел принцот. Тоа било проблем за двајцата и врската пукнала.
Кресида Бонас
На манекенката целата медиумска помпа околу нејзината врска со Хари ѝ станала преголем товар па ја прекинала двегодишната врска. Меѓутоа останале добри пријатели, па Кресида била поканета и на венчавката на Хари и Меган.
Челси Дејви
Како и на Крeсида, големото медиумско внимание ѝ пречело и на Јужноамериканката Челси Дејви. Првиот прекин бил во 2009 година. По некое време Челси повторно можела да се види заедно со принцот, а во 2011 година била со него на венчавката на принцот Вилијам и Кејт Мидлтон. Потоа дефинитивно ја прекинале врската. И таа добила покана за венчавката на Хари и секако, ја прифатила.
Каролин Флак
Телевизиската водителка Каролин Флак го запознала принцот преку заеднички пријател. Почнале да се забавуваат, но водителката се престрашила од помислата на соживот со принцот, па ја прекинала врската.
Ема Ватсон
Кратко откако Ема Вотсон ја прекинала врската со својот партнер Метју Џенеј, принцот Хари многу сакал да ѝ се приближи на ѕвездата од „Хари Потер“. Бидејќи принцот е голем фан на овој филмски серијал, не е ни чудо што се „загреал“ за Ема Вотсон. Го барал нејзиниот телефон, но очигледно таа била помалку одушевена од принцот.