Нè „реши“ ракометарот кој тежи 140 килограми
Голот во последната секунда ги шокира ракометарите на Исланд кои за прв пат доживеаја пораз од Македонија на домашен терен. Иако Манасков го постигна победничкиот гол и беше најпрецизен во редовите на Македонија со осум голови, одлична партија одиграа Георгиевски, Лазаров и Талески, за исланѓаните најголем проблем претставуваше пикерот Стојанче Стоилов.
Еден од најискусните ракометари на Исланд Арнор Гунарсон на интересен начин ја искоментира играта на Стоилов.
– Нè „реши“ нивниот пикер кој тежи 140 килограми, навистина е тежок за чување кога ја има топката во своите раце. Тој и нашата одбрана нè убија вечерва. Во првите десет минути игравме добра одбрана и ги добивавме дуелите. Се мачеа да нè пробијат, но потоа се поставија во линија и ги пронајдоа дупките во средината на нашата одбрана. Едоставно не смееме да примиме 34 гола на домашен терен. Ги пронајдоа сите дупки во нашата одбрана и им беше лесно да се разигруваат и да постигнуваат голови – изјави Гунарсон.