Не помина предлогот на ВМРО-ДПМНЕ, Собранието одби денеска да ја разреши Јанева
Денеска во Собранието не беше реализиран предлогот на опозициската партија за тоа да се гласа за разрешување на специјалната јавна обвинителка во оставка Катица Јанева.
Според партијата на Христијан Мицкоски, дополнителен аргумент е што таа е во притвор и е осомничена за случајот „Рекет“, а истовремено дава и одлуки и наредби од притвор, кои се противзаконски.
Парламентарното мнозинство со 58 гласа го отфрли предлогот Собранието денеска да гласа Јанева да биде разрешена.
Според ВМРО-ДПМНЕ, нејасно е зошто власта ја штити Катица Јанева од разрешување на очиглед на целата јавност за нејзината злоупотреба на службената положба.
Претседателот на Собранието Талат Џафери го ставил предлогот пратениците денеска да гласаат за разрешувањето на Јанева, но претходно образложил дека разрешувањето на шефицата на СЈО треба да биде на посебна седница и по претходен политички договор.