Не можеше без Кирјос: Повторно нападнат Ѓоковиќ!
Новак Ѓоковиќ беше ударна вест во австралиските медиуми, кои направија тенденциозен извештај за најдобриот тенисер во светот и наводните двојни аршини според кои се води, бидејќи тој не носел маска во комбето кое превезувало тенисери од карантин до теренот за тренинг. Српскиот ас само побара благо попуштање на мерките во Мелбурн.
Ваквата состојба веднаш ја коментираше австралискиот тенисер Ник Кирјос кој повторно го провоцира првиот светски рекет, по што е повеќе познат во последните неколку години, а нема значителни успеси на терените.
– Ѓоковиќ е будала – напиша Кирјос користејќи жаргон, коментирајќи го прилогот кој беше објавен на националната телевизија, а потоа тој се осврна и на фактот дека неговиот сонародник Бернард Томиќ кој е во карантин со девојка, односно п**но актерка.
Djokovic is a tool. I don’t mind Bernie but his Mrs obviously has no perspective, ridiculous scenes ??♂️ https://t.co/MMgeriH2GJ
— Nicholas Kyrgios (@NickKyrgios) January 18, 2021
– Не ми пречи Берни, но неговата дама очигледно нема перспектива, смешни сцени – додаде Кирјос.
Инаку, Ник Кирјос во моментов е 47. на АТП-листата и е можен ривал на сите носители во првото коло на „Австралија опен“.
Нема сомнение дека евентуален дуел против Ѓоковиќ би бил „повеќе од игра“ заради сите провокации кои Австралиецот ги имаше против Србинот во последните неколку години.