Не користете пластичен прибор додека готвите: Хемикалиите стигнуваат до храната!

После многу испитувања научниците се согласија дека пластичниот прибор и останатите пластични алатки за готвење, треба да се избегнуваат додека го спремаме нашето јадење.

Пластиката е токсична и како таква може да му наштети на здравјето на црниот дроб и тироидните жлезди, прердупредуваат научниците од Германија.

Особено е важно да не користите пластика доколку готвите храна на температура над 70 степени.

Научниците велат дека многу пластични лажици за готвење содржат штетни материи – олигомери, кои на температура над 70 степени директно стигнуваат до храната.

Доколку во голема доза стигнат во организмот, би можеле да го оштетат црниот дроб и предизвикаат заболување на штитните жлезди. Исто така, хемикалиите од пластиката се поврзуваат и со неплодноста, ракот и вишокот на холестерол.

Ова е само уште едно од истражувањата кои потврдуваат дека пластиката која се користи во индустријата за храна, отпушта штетни токсини кои успеваат да стигнат до вашиот ручек, а подоцна и до нашиот организам.

Многу пластични лажици и останати алатки се направени од синтетички хемикалии за да бидат отпорни на високи температури.

Истражувањата кои се правени на животни, докажуваат дека овие хемикалии предизвикуваат тумури на црниот дроб, панкреасот и тестисите, а штетно влијаат и на плодноста.

Германскиот федерален институт предупредува дека пластиката треба да се држи подалеку од топла храна, бидејќи во контакт со висока температура олигомерите успеваат да стигнат директно до храната.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот