Во денешниот брз начин на живот, многу луѓе често го прескокнуваат појадокот, или поради недостаток на време или поради верувањето дека тоа ќе им помогне да согорат калории и да ослабат. Сепак, прескокнувањето на овој оброк има сериозни последици за нашето тело и здравје.

Бидете одговорни пред себе, добро организирајте го утрото, бидејќи „денот се познава по утро“. Ако не можете да подготвите оброк наутро, подгответе го претходната вечер.

Го насочува метаболизмот да работи побавно

Кога го прескокнуваме појадокот, телото преминува во „режим на заштеда на енергија“, намалувајќи ја стапката на метаболизмот за да ја зачува енергијата. Ова може да резултира со тоа што телото согорува помалку калории во текот на денот, што може негативно да влијае на губењето на тежината и управувањето со тежината.

Исто така, прескокнувањето на појадокот може да предизвика намалување на нивото на шеќер во крвта, што доведува до замор и намалена енергија.

Го зголемува ризикот од прејадување подоцна

Прескокнувањето на појадокот обично води до прејадување подоцна во текот на денот. Кога телото не добива гориво наутро, доживува зголемен апетит, што често резултира со конзумирање нездрави грицки или поголеми оброци.

Тоа може да предизвика брзо зголемување на телесната тежина, особено ако оброците се богати со масти и шеќер.

Тоа влијае на концентрацијата и расположението

Недостатокот на појадок може да ја намали концентрацијата и способноста за одлучување во текот на денот. Мозокот, кој зависи од гликозата како примарен извор на енергија, не може ефикасно да функционира без доволна количина на храна.

Ова може да доведе до заборавеност, намалена продуктивност, па дури и промени во расположението како иритација или стрес.

Долгорочни последици по здравјето на срцето и крвните садови

Прескокнувањето на утринскиот оброк може да влијае и на вашето долгорочно здравје. Истражувањата покажаа дека луѓето кои редовно го прескокнуваат појадокот имаат поголем ризик од развој на кардиоваскуларни болести.

Овој негативен ефект може да резултира од зголемен крвен притисок, нивоа на лошиот холестерол и зголемување на телесната тежина.