Не ги игнорирајте! Скриени симптоми што укажуваат на зголемено ниво на шеќер во крвта
Шеќерна болест или дијабетес е нарушување на нивото на шеќерот во крвта и еден од поголемите и прилично чест здравствен проблем. Поради промените на начинот на живот, од дијабетес заболуваат сè повеќе млади. Симптомите на дијабетесот често се прикриени и на заболените им треба повеќе време да сфатат дека станува збор за оваа болест.
Ова се некои од најчестите симптоми на дијабетес:
– Главоболка.
Со оглед на тоа дека главоболките се чести, важно е да знаете со каква главоболка се соочувате. Сепак, секоја хронична главоболка би требало да биде причина за посета на лекар.
– Заматен вид.
Преголемата доза на гликоза во крвта може да доведе до нарушен вид.
– Слабост.
Доколку постојано се чувствувате слабо и уморно, тоа би можело да биде првиот симптом на зголемен шеќер.
– Често мокрење.
Гликозата влијае и на вашите бубрези, па потребата за мокрење се зголемува.
– Жед и сува уста.
Природен симптом на зголемениот шеќер во крвта е и потребата за течности.
Останати скриени симптоми се:
– проблеми со концентрацијата,
– зголемена глад,
– збунетост,
– останување без здив,
– мачнина и болка во стомакот.