Не е монтажа! Бабата на Дакота Џонсон живее со 13 лавови и тигри, погледнете ги неверојатните фотографии
Долго пред јавноста да дознае за Џо Егзотик од серијата „Tiger King“, Типи Хедрен, мајката на Мелани Грифит и бабата на Дакота Џонсон, во Холивуд беше позната како кралица на тигрите.
Таа големите мачки почнала да ги собира уште во 70-те години на минатиот век и ги вдомила на својот имот. Дакота Џонсон деновиве откри дека Типи сè уште живее со дивите животни.
На гостувањето во шоуто на Нортон, Дакота зборуваше за страстите на својата позната баба. Кога Нортон ја праша дали баба и сè уште има „диви мачки“, Дакота одговори:
„Да, има 13 или 14 лавови и тигри. Имаше околу 60 диви мачки, сега има само неколку“.
Кога се родила Дакота, лавовите и тигрите веќе не шетале слободно по имотот и низ куќата како дотогаш.
На снимањето на филмот „Roar“, Типи имала трауматично искуство со агресивна голема мачка и тогаш добила бројни повреди, како и уште 70 луѓе кои исто така биле повредени.
Две години по премиерата на тој филм, таа ја основала фондацијата „Роар“, преку кои ја едуцирала јавноста за опасните аспекти при приватна сопственост на диви животни, но никогаш не се ослободила од своите миленици.