Не беше едноставно да се пласира македонската лига на ТВ
Првиот човек на фудбалската федерација на Македонија, Сејдини јавно му се заблагодари на јавниот сервис за договорот што се направи за продажба на ТВ-правата.
– Вие, како клубови, сте главниот столб на оваа федерација. Со директните преноси на МТВ и регионалната Спорт Арена клубовите добиваат голема можност за промоција, а со договорот сите се ослободени од плаќање котизација. Наша задача е да го чуваме имиџот и вредностите на нашиот фубал и да работиме да биде уште поуспешен и попопуларен. ФФМ останува сервис на клубовите за подобрување на имиџот и што е можно подобра презентација на домашната лига. Посакувам успешен настан на сите клубови и во духот на спортските вредности да се борите за подобар пласман – вели претседателот на ФФМ, Муамед Сејдини.
Генералниот секретар на ФФМ, Филип Поповски истакна дека не беше едноставен процесот за да се пласира македонската лига на ТВ.
– Нашите обврски не застануваат тука. Ние како федерација и вие како клубови треба да работиме заедно за да биде подобро. Мора да ги подобриме сите услови и критериуми што се потребни, за кога ќе заврши овој договор да имаме нов – се зборовите на Поповски.