НБРСМ: Државата има потенцијал за солиден економски раст

Советот на Народната банка денес одржа редовна седница на која беше разгледан и усвоен најновиот Квартален извештај со макроекономските проекции за периодот 2019 – 2021 година.

Во првото тримесечје на оваа година продолжи олабавувањето на монетарната политика, со намалување на основната каматна стапка од 2,5% на 2,25%, како одраз на отсуството на притисоци на девизниот пазар од надворешниот сектор и на стабилнитеочекувања на домашните субјекти, при натамошен раст на вкупните депозити и ниска и стабилна стапка на инфлација. Простор за монетарно олабавување создаде и најавата наЕвропската централна банка за задржување на каматните стапки на тековното ниво подолго од претходно очекуваното, како и за дополнително олабавување на монетарните услови во еврозоната преку други монетарни инструменти.

Во однос на најновите макроекономски проекции, во Извештајот не се упатува на поголеми промени во макроекономската слика, во споредба со октомвриската проекција. Имено, и овие проекции покажуваат натамошно забрзување на растот на домашната економија во следниот период. Имајќи го предвид нешто повисокиот раст од проектираниот за 2018 година, како и поповолниот домашен амбиент, а во услови на понеповолен надворешен амбиент и зголемени ризици од надворешното окружување, најновите проекции ги потврдуваат октомвриските очекувања за економски раст од 3,5% оваа година и негово натамошно забрзување на 3,8% следната 2020 година и на 4% во 2021 година. Во однос на изворите на растот, позитивен импулс се очекува од домашната побарувачка, при натамошен раст на личната потрошувачка и закрепнување на инвестициската активност, а позитивен придонес се очекува и од понатамошното зголемување на активноста во извозниот сектор.

Прочитајте и...  Во Грција две лица уапсени со околу пет илјади наркотични таблети

Во поглед на идната патека на движење на цените во домашната економија, најновите проекции упатуваат на задржување на амбиентот на стабилни цени и отсуство на позначителни инфлациски притисоци. Заради тековно пониските остварувања и очекувањата за послаби притисоци од цените на примарните производи и странската ефективна инфлација во претстојниот период годинава, кај проекцијата на домашнатаинфлација е направена надолна корекција за оваа година, односно стапката на инфлација е ревидирана на 1,5%, наспроти претходно очекуваните 2%. И според најновите согледувања, како и во претходниот циклус проекции, се очекува динамиката на раст на домашните цени во 2020 и 2021 година да изнесува околу 2%.

Во усвоениот Извештај е нагласено дека најновите оцени за позицијата на билансот на плаќања упатуваат на поволна надворешна позиција и отсуство на нерамнотежи во економијата. Се очекува дека дефицитот на тековната сметка во периодот 2019 – 2021 година, во просек ќе биде на умерено ниво од околу 1,3% од БДП. Показателите за адекватноста на девизните резерви покажуваат дека тие ќе се задржат во сигурната зона во текот на целиот период на проекции.

Прочитајте и...  Вo Хрватска 57 новозаразени со коронавирус

Kредитната активност на банкарскиот сектор и натаму се оценува како важен фактор на поддршка на економскиот раст, при што се очекува дека кредитниот раст оваа и во следните две години ќе изнесува 8%. Оцените за кредитниот раст се засноваат врзпретпоставките за стабилни очекувања, раст на депозитната база и поволна капитална и ликвидносна позиција на банките. За оваа и за следните две години се очекува вкупните депозити во финансискиот систем во просек да остварат раст од 8,4%.

Во однос на ризиците околу макроекономското сценарио, неповолните ризици во делот на надворешното окружување се оценети како поизразени споредено сопретходниот циклус проекции. Тие главно се поврзуваат со присутната неизвесност заради глобалните трговски тензии, променливоста на финансиските услови и на цените на примарните производи, неизвесниот исход од процесот Брегзит, како и геополитичките ризици. Од друга страна, домашниот амбиент се оценува како постабилен, а притоа позитивен ризик кој не е директно вграден во проекциите се и можностите за забрзана евроатлантска интеграција.

Прочитајте и...  Незначителна корекција во цената на горивата за следните седум дена

Општо земено, последните макроекономски проекции презентирани во усвоениот Извештај укажуваат на здрави и солидни основи на домашната економија, со потенцијал за солиден раст, поддржан и од кредитната активност на банките, а при отсуство на инфлациски притисоци и задржување на поволната надворешна позиција. Макроекономското сценарио претпоставува стабилен и предвидлив домашен амбиент, натамошен прилив на странски инвестиции, засилување на јавниот инфраструктурен циклус, како и релативно поволно надворешно окружување, иако помалку поволно во однос на октомвриските проекции. Евентуалното неисполнување на вградените претпоставки или остварувањето на нагласените ризици може да доведе и до отстапувања од проектираната патека на клучните показатели.

Како што беше нагласено на седницата на Советот, Народната банка и во следниот период внимателно ќе ги следи движењата, како и промените во домашниот и надворешниот амбиент, со цел соодветно приспособување на поставеноста на монетарната политика.

Прочитај повеќе

Мицкоски од Василево: СДСМ требаше малку повеќе да работат наместо да крадат

Слободен печат

Докторката која криеше дека е заразена со корона се врати на работа на Кожната клиника

Слободен печат

Заев: Со БЕСА првпат историски и вистински формиравме мултиеничка коалиција за изборите

Слободен печат

Здравствените работници во Зимбабве бараат плата во долари

Слободен печат

СТРАВ ОД КОРОНА: Трудниците земаат кредити за да се породуваат во приватни болници

Мими Шушлеска Петкова

Построги казни за непочитување на мерките во Бугарија

Слободен печат

Остави Коментар

Прочитај повеќе

Јанушев: Владата на ВМРО-ДПМНЕ ќе го врати достоинството на земјоделецот, гарантираме сигурна откупна цена на оризот

Слободен печат

Пијанечкиот регион под вода од силното невреме

Слободен печат

Пуштени дома насилниците кои претепаа девојка во Штип

Слободен печат

Турција гранатирала четири населби во близина на сирискиот град Рака

Слободен печат

Спасовски: Следува рекордна младинска поддршка, вашите раце се потребни да ја доизградиме Европа дома (ВИДЕО)

Слободен печат

Британија очекува Кина да се придржува кон меѓународното право

Слободен печат