Хауард заедно со Кајри Ирвинг се најзвучните имиња во НБА лигата кои беа најгласни за бојкот на продолжувањето на сезоната за да се поддржат протестите против расизмот и полициската бруталност во САД.

Хауард беше дел од видео конференцијата која ја организираше Ирвинг и на која беше побарано кошаркарите да одбијат да ја доиграат сезоната.

Сега откако оваа иницијатива не наиде на одобрување кај поголемиот дел од кошаркарите бидејќи тие се револтирани од дволичноста на иницијаторите кои се едни од најплатените играчи во НБА лигата, Двајт Хауард ретерира во своите ставови за бојкот и најави дека ќе ја поддржи секоја одлука која ќе ја донесат неговите колеги.

Lakers center Dwight Howard: “Leaders sometimes become self serving and forget the people that they are supposed to represent…We support the NBA but in order to do that properly we must support every single one of us that represents that name.” https://t.co/OAhwAkdoM2

— Shams Charania (@ShamsCharania) June 17, 2020

– Глупаво е да се помисли дека можеме да запреме сила каква што е НБА, ниту пак тоа и го сакаме бидејќи таа ни пружа прекрасни можности. Нашата главна цел е кревање на свеста и поголема транспарентност. Многу играчи се плашат јавно да ги кажат своите ставови додека го работат тоа што највеќе го сакаат. Лидерите не ретко почнуваат да ги гледаат своите интереси и забораваат на луѓето кои треба да ги претставуваат, ја поддржуваме НБА и секој кој го претставува тоа има – објави Хауард.

Центарот на ЛА Лејкерс ги коментираше и изјавите на Кајри Ирвинг на видео конференцијата, кој дури и најави формирање на паралелна лига.
– Зборовите на Кајри можеби звучат радикално, но тој 100 проценти е во прави. Повеќе не сме робови и секој човек има право на транспрарентност пред носење на разумни одлуки – додава Хауард.