НБА во големи проблеми, тројца кошаркари на Њу Орлеанс позитивни на корона
Генералниот менаџер на тимот, Дејвид Грифин откри дека тројца играчи се позитивни на коронавирус и тие ќе бидат во изолација се додека наредните тестови не покажат дека можат да се вратат на тренинзите.
Грифин не сакаше да ги именува кошаркарите, а призна дека првите позитивни тестови се откриени на тестирањата кои беа извршени на 23. јуни.
– НБА има систем кој е создаден да ги регистрира сите вакви случаи. Тој систем функционира и ние ќе мора да се носиме најдобро што знеме и да продолжиме понатаму – наведе Грифин.
НБА лигата е прекината на 11. март кога се појави првиот позитивен случај на ковид-19, тоа беше центарот на Јута џез, Руди Гобер, а сезоната треба да продолжи на 30. јули во Дизни паркот во Орландо.
НБА лигата денеска објави дека 20 кошаркари досега се позитивни на коронавирус.
