НБА: „Ракетите“ посилни од „громовите“, Мајами знае како со Милвоки! (ВИДЕО)
Екипата на Хјустон се пласираше во полуфиналето на Западната конференција откако во една возбудлива завршница успеа да ја победи Оклахома со 104:102 во седмиот одлучувачки натпревар од серијата.
На Истокот составот на Мајами има 2:0 против првопласираниот Милвоки (кој имаше најдобар учинок во регуларниот дел од сезоната во целата НБА лига), триумфираше по вторпат со резултат 116:114.
За Бакси не беше доволен „дабл-дабл“ билансот на Адетокумпо од 29 поени и 14 скока, на спротивната страна кај „жешките“ најрасположен беше Драгиќ со 23 поени.
Во клучниот триумф на Рокетси по 21 кош забележаа Гордон и Ковингтон, 20 додаде Вестбрук, додека Харден имаше 17 поени (девет асистенции). За „громовите“ не помогна ниту одличната партија на Канаѓанецот Дорт од 30 поени, а Пол запиша 19 поени, 11 скока и 12 асистенции.
„Ракетите“ во конференциското полуфинале на Западот ќе игра против Лос Анџелес Лејкерс кој претходно со 4:1 во серијата го елиминираше Портланд.