НБА, плеј-оф: Бостон е првиот полуфиналист на Истокот! (ВИДЕО)
Вечерва го дознавме првиот учесник во полуфиналето на Источната конференција, откако Бостон со убедливи 4:0 го елиминираше составот на Филаделфија. Селтикси во четвртиот натпревар на паркетот во Орландо беа подобри од Сиксерси со конечен резултат 106:110.
Во победничките редови Кемба Вокер се истакна со 32 поени (по четири скока и асистенции), а Џејсон Тејтум запиша 28 поени и 15 скока.
Кај поразените Џоел Ембид со 30 поени и 10 скока, а добра партија имаше и Тобајас Херис со 20 коша и пет скока.
Натпреварот го обележа и страшниот пад на Херис кој ја загуби рамнотежата за време на скокот со повреда на левото око. Се врати со завој на главата во последната четвртина на нешто повеќе од пет минути до крајот на средбата.
Противник на Бостон во полуфиналето на Истокот ќе биде подобриот од пресметката Торонто-Бруклин, а таму Репторси водат со 3:0 во плеј-оф серијата.