Натпреварот беше решен во продолжението од пет минути, а конечниот резултат и победата од 135:133 го постави Дончиќ со тројката која ја постигна со звукот на сирената.

Со оваа тројка на словенечкиот кошаркар, Далас израмни на 2:2 во победи во плеј-оф серијата со ЛА клиперс.
Освен што ги даде победничките поени, Лука Дончиќ натпреварот го заврши со нов трипл-дабл од 43 поени, 17 скокови и 13 асистенции, иако до пред самиот почеток на средбата не се знаеше дали ќе игра поради повредата на коленото која ја здоби на претходниот натпревар.

Далас на овој натпревар настапи без втората голема ѕвезда Кристапс Порзингис и тоа се почувствува на стартот од натпреварот кога клиперси направија двоцифрена предност. Но како одминуваше времето, Далас полека се враќање во игра и успеа да го однесе натпреварот во продолжение каде работите во свои раце ги презеде одличниот Словенец.

Треј Бурк постигна 25 поени, Тим Хардавеј јуниор даде 21 поен за Далас, додека во редовите на ЛА Клиперс Лу Вилијамс уфрли 36 поени, а Каваи Ленард 32 но изостана учинокот од Пол Џорџ кој натпреварот го заврши со само 14 поени.

Екипата на Денвер нагетс се наоѓа пред елиминација од плеј-офот иако влезе како фаворит во пресметката со Јута џез, но моменталниот резултат е 3:1 во победи за „џезерите“ откако во четвртиот дуел славеа со 129:127.

Главен виновник за ова е неверојатниот Донован Мичел кој постигна 51 поен и стана четвртиот кошаркар во историјата на НБА лигата по Мајкл Џордан, Вилт Чембрлен и Ален Ајверсон кој во една серија на два натпревари постигнал 50 или повеќе поени. На претходниот наптревар Мичел уфрли 57 поени.

Come in gara 1, Mitchell e Murray protagonisti del match fra Jazz e Nuggets: 51 punti il primo, 50 il secondo (prima coppia di avversari a quota 50 nella stessa gara di playoff).
Stavolta però vince Donovan: Jazz avanti 3-1 nella serie.#TakeNote#NbaTipopic.twitter.com/5twDNmEsnZ

— Marco A. Munno (@MarcoAMunno) August 24, 2020

На Денвер не му помогна одличната игра на Џамал Мареј кој постигна 50 поени, како и на Никола Јокиќ и неговите 29 поени.

Актуелниот шампион Торонто репторс е вториот тим во плеј-офот кој ја заврши работата во само четири натпревари. Торонто со 150:122 го совлада Бруклин и со чисти 4:0 во победи обезбеди пласман во наредната рунда каде го очекува пресметка со Бостон селтикс.