Фондацијата е покрената заедно со Унијата на кошаркари НБПА и во наредните 10 години, сопствениците на 30. НБА екипи заедно ќе донираат по 30 милиони долари годишно.

– Во име на одборот на гувернери во НБА, со одушевување најавувам формирање на НБА фондација. Сите гувернери (сопственици) на НБА екипите ја препознаваат нашата единствена позиција да влијаеме на промени и посветени сме на поддршката на Афроамериканците – изјави претседателот на управниот одбор на НБА, Лери Таненбаум.

Главна мисија на новата фондација на НБА ќе биде економскиот развој на афроамериканската заедница преку вработувања и напредок во кариерата, а фондацијата ќе се обиде да го зголеми бројот и поддршка на средношколците, студентите и за обука на Афроамериканците.

– Формирањето на оваа фондација е важен чекор во развојот на црната заедница. Горд сум на нашата лига и нашите играчи поради нивната посветеност во долгорочната војна за рамноправност и правда и знам дека и во иднина ќе изнаоѓаме начини да продолжиме со интенцивните институционални промени – рече Крис Пол, претседател на НБПА.