Намалувањето на натпревари во регуларниот дел е донесено поради летните обврски и желбата на НБА лигата, плеј-офот да не се игра во исто време кога ќе се одржуваат и Олимписките игри во Токио (23. јули – 8. август) бидејќи тоа ќе влијае на гледаноста.

Новитет претставува и „плеј ин“ турнирот, односно разигрување за влез во плеј-офот како што се случи во „меурот“ во Дизни Ворлд изминатата сезона. Идната сезона на овој турнир ќе играат по четири екипи од двете конференции и тоа екипите кои ќе завршат од седмото до десеттото место во Источната односно Западната конференција.
Седмопласираната екипа ќе игра против осма и победникот од тој дуел во плеј-офот ќе влезе како седми носител, додека поразениот од тој дуел ќе игра со победникот од пресметката на деветтата и десетата екипа и поразениот тим ќе биде елиминиран. Победникот од тој дуел ќе биде последен осми учесник во плеј-офот.

Челниците на НБА пронајдоа начин и како да го намалат патувањето на екипите во време на пандемијата на коронавирусот. Имено, секоја екипа ќе игра по три пати со екипите од својата конференција, тоа се 42. натпревари, а само два пати ќе игра со тимови од другата конференција (30 натпревари)со што се доаѓа до бројката од 72. натпревари.

Точниот календар за новата сезона ќе биде објавуван постепено и засега ќе се изработи детален план за натпреварите во првата половина.
Според планот на НБА, плеј-офот ќе започне на 22. мај, а шампионот треба да биде познат најдоцна до 22. јули. Паузата за Ол стар викендот е планирана помеѓу 5. и 10. март, а засега нема потврда дека воопшто ќе се игра овој натпревар.