Тренерот на Сан Антонио спарс, Грег Попович не е задоволен од тоа што го гледа во последните години во најсилното и најквалитетното кошаркарско натпреварување.

Попович од 1988 година е дел од НБА, прво како асистент тренер, а од 1996 година е главен тренер на Сан Антонио спарс со кого освои пет шампионски титули и сигурно е еден од најкомпетентните стручњаци кои може да зборува за НБА лигата. Според него, повеќе нема новитети во НБА лигата и се се сведува на шутирање тројки.

– Сите крадеме едни од други во последните години и тоа е причината зашто не ми се допаѓа НБА во последните години. Никој од нас не е иноватор, само гледаме кој направил нешто поинакво од останатите и го копираме. И денеска сите шутираат тројки и форсираат игра на влезови под кошевите, што е многу досадно – изјави Попович.