Утринава по пауза од четири ипол месеци НБА лигата се врати, во Дизни Ворлд во Орландо се одиграа првите два натпревари, а тие започнаа со заедничко клечење при интонирањето на химната во знак на поддршка во борбата против расизмот.

Ваквиот потег наиде на големо одобрување на поголем дел од спортската јавност во САД, но не и кај претседателот Доналд Трамп.

„Се радувам на враќањето на спортот, но секој пат кога ќе видам како кошаркарите клечат во текот на изведување на химната, што е знак на големо непочитување кон нашата земја и знаме, кошарката за мене е готова“, напиша Трамп на својот Твитер профил.

Every player, coach and ref takes a knee during the national anthem before the Pelicans-Jazz game pic.twitter.com/LZy1A6s8VM

— Bleacher Report (@BleacherReport) July 30, 2020

Одговорот дојде експресно од дел од кошаркарите кои се во Орландо.
– Пред се, мислам дека на никој во НБА не му гајле дали претседателот Трамп гледа кошаркарски натпревари или не. Личлно, баш ми е гајле за него. Што се однесува до него, без разлика на овој твит за НБА лигата, мислам дека секој негов твит е смислен за да ги подели луѓето, да изнервира некого и е наменет за неговите гласачи на кои им е забавно да го читаат. Ниту тоа што го напиша за нас не се разликува – изјави Џеј Џеј Редик од Њу Орлеанс пеликанс.

Првата ѕвезда на ЛА Лејкерс и еден од најдобрите кошаркари на денешницата, Леброн Џејмс, смета дека борбата за социјална правда и против полициската бруталност мора да продолжи.
– Видовме напредок на тоа поле, но потоа малку ја тргнавме ногата од педалот за гас. Не смееме да го правиме тоа, мора да продолжиме да даваме гас. Кошарката треба да претставува платформа за ширење на позитивни мисли и љубов низ целиот свет – порача Џејмс.

United for a greater cause. #BlackLivesMatter pic.twitter.com/dthLmon0a7

— Los Angeles Lakers (@Lakers) July 31, 2020