НБА и ФИБА се во завршни преговори за да започнат кошаркарска лига во Африја, а една од главните функции во таа организација би требало да има и поранешниот претседател на САД, Барак Обама.

Според планот, лигата би се нарекувала Кошаркарска лига на Африка (БАЛ) и би имала 12 екипи од целиот континент.

– Кошаркарската лига на Африја е важен чекот во континуираниот развој на кошарката во Африка. Во комбинација со другите наши програми, сакаме да јаискористиме кошарката како економски двигател во Африка кој би отворил нови можности во спортот, во медиумите и технологијата ширум Африка – изјави комесарот на НБА лигата, Адам Силвер.

Последниот состанок помеѓу ФИБА и НБА се одржа изминатиот викенд и на него присуствуваа Адам Силвер, генералниот секретар на ФИБА, Андреас Загклис, претседателот на ФИБА Африја, Аман Нијанг, сопственикот на Шарлот хорнетс, Мајкл Џордан и уште неколку луѓе од НБА, додека пред видео порака им се обрати и Барак Обама.

I’ve always loved basketball because it’s about building a team that’s equal to more than the sum of its parts. Glad to see this expansion into Africa because for a rising continent, this can be about a lot more than what happens on the court. https://t.co/lghcLaUN9a

— Barack Obama (@BarackObama) February 16, 2019

„Доколку вложите напори преку спортот сигурно ќе бидете наградени“ – им порача Обама на присутните.

Според најавите на челниците на НБА, африканската кошаркарска лига на шампионите би стартувала веќе идната година.