НБА: Дончиќ реди рекорди, нова победа на Далас! (ВИДЕО)
Маверикси беа подобри од Кавалирси во секој сегмент од играта. Колку домашниот тим беше доминантен говори и податокот дека втората четвртија ја доби со 37:16, а третата со 45:29.
Повторно се истакна Лука Дончиќ. Младиот Словенец за 29 минути на теренот постигна 30 поени (11/18 од игра, 4/8 за три), а имаше и седум скокови и 14 асистенции.
Luka Doncic is the youngest player in @NBAHistory to record 3 consecutive 30+ point and 10+ assist games. pic.twitter.com/qMr3jngiPT
— NBA.com/Stats (@nbastats) November 23, 2019
Дончиќ така се промовираше во најмладиот кошаркар во НБА кој во три натпревари по ред има +30 поени и +10 асистенции.
Џастин Џексон од клупата забележа 19 поени (4/9 од игра) и шест скокови. Меѓу Кавалирси најрасположен беше Дариус Гарланд со 23 поени (9/16 од игра).
За Далас ова е четвртата победа во низа (10. оваа сезона), а Кливленд никако да ја прекине лошата серија, бидејќи го претрпе и шестиот пораз по ред.
На дуелот Денвер Нагетс – Бостон Селтикс, кој има припадна на домашните со 96:92, американскиот репрезентативец Кемба Вокер, во втората четвртина се здоби со повреда на вратот. Вокер бил пуштен од болница и добил дозвола да се врати со тимот во Бостон, каде ќе му бидат направени нови детални испитувања.
НБА, резултати –
Детроит Пистонс-Атланта Хокс 128:103
Вашингтон Визардс-Шарлот Хорнетс 125:118
Бруклин Нетс-Сакраменто Кингс 116:97
Чикаго Булс-Мајами Хит 108:116
Оклахома Сити Тандер-Лос Анџелес Лејкерс 127:130
Филаделфија Сиксерс-Сан Антонио Спарс 115:104
Далас Маверикс-Кливленд Кавалирс 143:101
Денвер Нагетс-Бостон Селтикс 96:92
Јута Џез-Голден Стејт Вориорс 113:109
Лос Анџелес Клиперс-Хјустон Рокетс 122:119