Навредливи пораки испишани на амбасадата на ЕУ во Тел Авив: ЕУ ОДИ СИ – Слободен печат
ВестиПланета

Навредливи пораки испишани на амбасадата на ЕУ во Тел Авив: ЕУ ОДИ СИ

Европската амбасадорка во Израел, Емануел Жофре, на Твитер го квалификуваше нападот како „заканувачки" и „очајнички".

Европската Унија најстрого го осуди чинот на испишување навредливи пораки врз ѕидовите од нејзината амбасада во Тел Авив и побара брза истрага од страна на израелските власти.

Во текот на вчерашниот ден, активисти од екстремната десница во Израел испишаа навредувачки и заканувачки пораки по ѕидовите на амбасадата на ЕУ во Тел Авив, како „германските пари убиваат Евреи”, „ЕУ оди си”, „Доста ги плаќате убијците на нашите деца”.

Европската амбасадорка во Израел, Емануел Жофре, на Твитер го квалификуваше нападот како „заканувачки” и „очајнички”.

Израелските медиуми објавија видео снимки во кои една од напаѓачите, Шефи Паз, и се обраќа на ЕУ порачувајќи да „престане да субвенционира терористи и да финансира илегална имиграција, во спротивно заминете си од Израел”.

Израелските власти најавија дека полицијата го истражува случајот како вандализам.

Поддршка за ЕУ дојде и од Обединетите Нации, чиј претставник за Блискиот Исток, Николај Младенов, на Твитер порача дека поттикнувањето насилство не смее да се дозволи и мора да биде осудено.

Во вторник во Израел ќе се одржат клучни парламентарни избори, на кои екстремната десница очекува да постигне убедливи резултати

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close