Молотови коктели биле фрлени во седиштето на бразилската група комичари „Порта дос Фундос“, во Рио де Жанеиро за време на Бадниковата вечера, неколку недели откако оваа група објавила филм на Нетфликс, во кој Исус се прикажува како хомосексуалец.

Божиќниот филм кој го снимиле овие комичари под наслов „Првото искушение на Христос“, всушност е 46-минутна комедија која го прикажува Исус како во својот дом го доведува својот наводен љубовник Орландо, за да го запознае со Светото семејство.

#25dicembre Sotto attacco il quartier generale del collettivo satirico ideatore de 'La prima tentazione di Cristo' #Netflix #Brasil #gesugao https://t.co/wyOF3Sx7G4

— La Cronaca di Roma (@cronacadiroma) December 25, 2019

Поради ова, речиси два милиони луѓе ширум светот потпишаа петиција со барање да се отстрани овој филм, бидејќи ги навредил Христијаните.

Бразилската група комичари која е позната по снимањето на пародии, соопштила дека во инцидентот, чувар успеал да спречи пожар и дека немало повредени, пренесува Ројтерс.

Државната полиција не била достапна за коментар, а од Нетфликс одбиле да се огласат во врска со овој настан.

„Во текот на раните утрински часови, на 24 декември, на Бадник, седиштето на „Порта дос Фундос“ беше жртва на напад. Кон нашата зграда беа фрлени молотови коктели“, стои на сајтот на оваа актерска група, која освои една Меѓународна Еми нарада за својот празничен специјал минатата година.