НАВОДНАТА СНИМКА ЈА ИМА И ПРЕТСЕДАТЕЛОТ МЕТА: Секс скандал во Албанија, вмешан странски амбасадор
Во Албанија деновиве на големо се зборува за еден секс скандал, каде е вмешан странски амбасадор. За видеото се произнесе и претседателот на државата Илир Мета, пренесува Газета.
Според пишувањата на албанските медиуми, видеото се држи во тајност од страна на неколку лица со цел да се врши притисок и уценување.
Но, видеото веќе почна да циркулира меѓу јавноста, на почетокот локално за потоа да падне и во рацете на државната разузнавачка служба.
Во видеото протагонисти се еден странски амбасадор, на држава-пријател на Албанија, и вработена во министерството за внатрешни работи на Албанија. Според некои медиуми, објавувањето на видеото освен дипломатски секс скандал, би можело да предизивика и уништување на приватниот живот на лицата на снимката.
Снимката подолго време се наоѓа и во рацете на претседателот Илир Мета, кој пред неколку дена за прв пат прозборе на темата, додавајќи дека видеото би можело во секој момент да биде објавено во медиумите.