Лионек Меси ја извести Барселона дека повеќе не се гледа како дел од клубот и официјално побара да си замине од клубот по 17 години минати во првиот тим, и уште три како дел од академијата Ла Масија.

Иако речиси сите веруваат дека доколку си замине од „Камп Ноу“ следна дестинација на Аргентинецот ќе биде Манчестер сити, фановите на германскиот Штутгарт имаат поинакво мислење и обидот за забава се претвори во сериозна намера.

Имено, тие од забава покренаа кампања која според „Кикер“ има за цел да соберат средства за да се донесе Меси во Штутгарт. Откупната клаузула на Лионел Меси изнесува 700 милиони евра.

Иако се свесни дека не можат да дојдат до сума од 700 милиони евра, организаторите на кампањата веќе знаат знаат што ќе направат со собраните средства.

„Доколку не успееме на време да ги собереме средствата или Меси замине во друг клуб, сите пари ќе бидат проследени на сметката на компанијата „Viva con agua“, стои на сајтот на кампањата.

Станува збор за непрофитна организација која се обидува да обезбеди вода за пиење за сиромашните луѓе низ целиот свет.