Џанлуиџи Буфон по завршување на сезоната одлучи да се се врати во тимот во кој ја започна професионалната кариера. Легендарниот голман потпиша двегодишен договор со Парма, екипа која ја напушти во 2001 годна по што се пресели во Јувентус, а по точно 20 години се враќа во матичниот клуб за да ја заврши кариерата.

Ова делува како вистинска фудбалска бајка бидејќи Парма следната сезона ќе игра во Серија Б, а клубот на фантастичен начин го престави Буфон кој треба да ја врати екипата во Серија А. Парма го претстави Буфон со фантастично видео кое го нарече „Супермен се враќа дома“, а под исто напиша „Се врати таму каде што припаѓа, се врати дома“.

Сепак, навивачите на Парма не се многу воодушевени од враќањето на Буфон бидејќи не можат да му простат што во 2001 година ја напушти екипата и се пресели во Јувентус.
„Си замина како платеник, не можеш да се вратиш како херој… Почитувај го дресот“, пишуваше на транспарентот кој навивачите на Парма го поставија пред стадионот.

✍ “Te ne sei andato da mercenario, non puoi tornare da eroe… Onora la maglia”
Striscione sul ritorno di #Buffon al #Parma pic.twitter.com/Ksn3SB3qSr

— TUTTOmercatoWEB (@TuttoMercatoWeb) June 18, 2021

Буфон по 20 години се врати во Парма, а соиграчите со кои го освои првиот трофеј одамна се пензионери и се татковци на негови соиграчи, политичари, тренери…