Навивачите на Фиорентина со закани кон Влаховиќ: „Готов си, ниту телохранителите нема да те спасат“
Навивачите на Фиорентина се гневни на својот најдобар играч Душан Влаховиќ бидејќи се наоѓа пред преселба во Јувентус.
Изминатите неколку месеци откако започнаа шпекулациите дека српскиот репрезентативец сака да си замине од Фиорентина, навивачите на „виолетовите“ му порачаа дека може слободно да си оди, само тоа да не биде нивниот најомразен клуб, Јувентус.
Бидејќи последните информации од Италија велат дека Влаховиќ се наоѓа пред трансфер токму во Јувентус, навивачите на Фиорентина збеснаа и низ Фиренца поставија транспаренти со заканувачки и навредливи пораки за фудбалетот.
„Ниту телохранителите нема да те спасат. Цигану, готов си!. Влаховиќ, го**ару готов си“, пишува на транспарентите.
A Firenze tifosi infuriati. #Vlahovic @tvdellosport #sportitaliamercato pic.twitter.com/AoU4UmpfR3
— Michele Criscitiello (@MCriscitiello) January 25, 2022