Навивачите на Барселона претераа: Ако станам убиец, првата жртва да ми биде фан на Еспањол
Фановите на Барселона на градското дерби на резервните екипи против Еспањол извикуваа скандалозни слогани.
Фудбалската јавност во Шпанија е шокирана и згрозена од однесувањето на навивачите на Барселона на стадионот „Јохан Кројф“. Тие извикуваа „Смрт за Еспањол“, а пееја и песна во која се повикува на убиство: „Доколку морам да станам убием, тогаш првата жртва нека ми биде навивач на Еспањол“.
Од трибините можеше да се слушне и нацистичкиот „Sieg heil“, а посебно грозно и шокантно делуваше нивното навредување кон починатиот фудбалер на Еспањол, Дани Жарке: „Доколку Дани Жарке постигне гол, тој ќе биде фантомски“.
El club que presume de valores…VÍDEO: Faltas de respeto a nuestro eterno Dani Jarque en el derbi de filiales | Voz Perica https://t.co/GPI6G4HjHv
— Sito Fernández (@luisfernandeza9) January 7, 2020
Жарке е поранешен капитен на Еспањол кој во 2009 година почина од срцев удар на 26-годишна возраст. Една година подоцна, фудбалерот на Барселона Андрес Иниеста, откако го постигна победоносниот гол во финалето на Светското првенство , тој при славањето на голот го соблече дресот, а под него имаше маица со натпис: Дани Жарке, засекогаш со нас.