Навивачите на Барса незадоволни, Меси „исчезна“ од заминувањето на Роналдо!
Вчера во „Ел Класико“ составот на Реал Мадрид ја совлада Барселона со 2:1 во најважниот натпревар од шпанскиот фудбал.
Исходот може да беше различен доколку најдобриот фудбалер на Барса, Лионел Меси беше на свое препознатливо ниво. Аргентинецот одигра 45 натпревари против Реал Мадрид, постигна 26 гола и асистираше 14 пати, има скор од 19 победи, 11 нерешени средби и 15 порази, но од заминувањето на Кристијано Роналдо, тој како да „исчезна“ од најважниот меч во Шпанија.
Звучи нереално, но на последните седум „Ел Класико“ мечеви, Меси нема гол, ниту асистенција.
Последниот погодок го имаше во мај 2018 година, во нерешениот резултат 2:2 во кој стрелец беше и Кристијано Роналдо, на неговото збогување од најголемото светско ривалство. Оттогаш поминаа 567 минути „пост“ на Меси против најголемиот ривал, а синоќешното дерби беше веројатно последното, бидејќи се најавува дека Меси ќе ја напушти Барселона.
Messi has now failed to score in seven straight El Clásicos, the longest drought of his career. pic.twitter.com/1MbHkHcuQ0
— ESPN FC (@ESPNFC) April 10, 2021