Навико Академија ФМП АД и следната сезона ќе игра во Првата кошаркарска лига
Трансформацијата од здружение на граѓани во Акционерско Друштво е успешно направена со цел клубот да продолжи да се натпреварува во Првата македонска кошаркарска лига и во наредната сезона.
Во минатата сезона КК Навико Академија ФМП АД успеа да заврши на третата позиција на табелата во регуларниот дел и да настапи во полуфиналето на Купот на РМ, при што ја имаше својата најуспешна сезона.
Но, поради административни проблеми и немањето можност да се пререгистрира во АД во временскиот рок за минатата сезона, истата ја заврши со настап во плеј-аут лигата.
Целта за оваа натпреварувачка година е стабилизација на финансиски и организациски план и давање шанса на млади домашни играчи, на кои ќе бидат приклучени неколку домашни и странски искусни играчи.
Тренер на екипата останува Никола Божиноски, кој го наследи на клупата Александар Петровиќ кој премина во редовите на МЗТ Скопје Аеродром.